Komande onsdag er det tid for ei ny kvardagsgudsteneste. Denne gongen kl 19.00. Gudstenesta er litt enklare, litt kortare, men ikkje dårlegare enn ei vanleg gudsteneste. Den er midt i veka for travle folk som treng ei påfylling og eit gudsmøte midt i ein hektisk kvardag.
Kvardagsgudstenestene legg opp til å reflektere over tekstane og sjølv lytte til kva dei vil seie oss. Denne gongen vil det og vere høve til å bli velsigna kvar einskild medan du vert oppmoda om å tenne eit lys, skrive ei bøn eller berre sitte i ro og lytte til musikk som gi ro. Vi vonar at desse gudstenestene kan treffe ein nerve der vi kan møte Gud midt i kvardagen og alt som omgjeng oss her. Vel møtt!